అర‌వింద స‌మేత‌కు స‌ర్కార్ తీపి క‌బురు

ఏపీ టాప్ న్యూస్‌: ఆంధ్ర‌ప్ర‌దేశ్ ప్ర‌భుత్వం నుంచి `అర‌వింద స‌మేత‌` సినిమాకు తీపి క‌బురు అందింది. రోజుకు రెండు షోలు అద‌నంగా వేసుకోవ‌చ్చంటూ గ్రీన్ సిగ్న‌ల్ ఇచ్చేసింది. అయితే మామూలుగా ప్ర‌భుత్వం మొదటి 2 రోజులు, మొద‌టి 3 రోజులు అలా అద‌నంగా షోలు ఆడించుకోవ‌చ్చ‌ని చెబుతుంటుంది. కానీ అర‌వింద స‌మేత‌కు మాత్రం ఏకంగా 8 రోజుల పాటు రోజుకు 6 షోలు వేసుకోవచ్చని గేట్లు ఎత్తేసింది. రిలీజ్ రోజు నుంచి 18న తేదీ వరకు ప్రతి రోజూ ఉదయం 5 గంటల నుంచి 11 గంటల మధ్య అదనంగా 2 షోలు వేసుకోవచ్చుణ‌. ప్రభుత్వం నుంచి వచ్చిన గ్రీన్ సిగ్నల్ తో ఏపీలో అరవింద సమేతకు రికార్డు స్థాయి వసూళ్లు వచ్చే అవకాశం ఉంది. అదనపు షోలతో పాటు అదనంగా టిక్కెట్ రేట్లు కూడా పెంచితే వారంలోనే మ్యాగ్జిమమ్ వసూళ్లు వచ్చేస్తాయి. ఇదిలా ఉంటే అర‌వింద స‌మేత సినిమాకు U-సర్టిఫికేట్ వస్తుందని మేకర్స్ ఆశించలేదు. ఎందుకంటే ఫ్యాక్షన్ బ్యాక్ డ్రాప్ కాబట్టి నరుక్కోడాలు బాగానే ఉన్నాయి.
అందుకే U/A ఆశించారు. కానీ సెన్సార్ అధికారులు ఎక్కడ ఏ కట్స్ చెబుతారో అని కాస్త టెన్షన్ పడ్డారు. మేకర్స్ టెన్షన్ పడినట్టే, కొన్ని యాక్షన్ సన్నివేశాల వద్ద సెన్సార్ అధికారులు అభ్యంతరం వ్యక్తంచేశారు. 2 డైలాగ్స్ వద్ద కూడా అనుమానాలు వ్యక్తంచేశారు. అయితే అక్కడికక్కడే జరిగిన చిన్నపాటి డిస్కషన్ తో వాటిపై ఓ అవగాహనకు వచ్చారు. ఫలితంగా ఎలాంటి కట్స్ లేకుండానే U/Aతో పాస్ అయింది అరవింద సమేత.

Share