వెస్టిండీస్‌తో వన్డే‌లకి భారత్ జట్టు ఎంపిక

ఏపీ టాప్ న్యూస్‌: వెస్టిండీస్‌తో భారత్ జట్టు ఈ నెల 21 నుంచి ఐదు వ‌న్డేలు ఆడ‌నుంది. అయితే తొలి రెండు వన్డేలకు మాత్రం జ‌ట్టును ప్ర‌క‌టించారు. భారత సెలక్టర్లు 14 మందితో కూడిన జట్టుని ప్రకటించారు. ఇటీవల టెస్టుల్లో అత్యుత్తమంగా రాణించిన యువ వికెట్ కీపర్ రిషబ్ పంత్‌కి ఈ జట్టులో చోటిచ్చిన సెలక్టర్లు.. ప్రత్యామ్నాయ వికెట్ కీపర్‌గా గత ఐదారు నెలలుగా వన్డే జట్టులో కొనసాగుతున్న దినేశ్ కార్తీక్‌పై వేటు వేశారు. ఇంగ్లాండ్‌తో వన్డే సిరీస్‌, ఆసియా కప్‌లో విఫలమైనప్పటికీ.. ధోనీ‌ని జట్టు నుంచి తప్పించే సాహసం సెలక్టర్లు చేయలేకపోయారు. వెస్టిండీస్‌తో ప్రస్తుతం జరుగుతున్న టెస్టు సిరీస్‌ నుంచి ఫాస్ట్ బౌలర్లు భువనేశ్వర్ కుమార్, జస్‌ప్రీత్ బుమ్రాకి విశ్రాంతినిచ్చిన సెలక్టర్లు.. తాజాగా వన్డే జట్టులోనూ చోటు కల్పించకుండా.. ఆ విశ్రాంతిని కొనసాగించారు.

వారి స్థానంలో మహ్మద్ షమీ, ఖలీల్ అహ్మద్‌ని ఎంపిక చేశారు. ఇక గాయపడిన ఆల్‌రౌండర్ హార్దిక్ పాండ్య స్థానంలో శార్ధూల్ ఠాకూర్ జట్టులోకి వచ్చాడు. జట్టు: విరాట్ కోహ్లి (కెప్టెన్), రోహిత్ శర్మ (వైస్ కెప్టెన్), శిఖర్ ధావన్, అంబటి రాయుడు, మనీశ్ పాండే, మహేంద్రసింగ్ ధోని (వికెట్ కీపర్), రిషబ్ పంత్, రవీంద్ర జడేజా, చాహల్, కుల్దీప్ యాదవ్, మహ్మద్ షమీ,ఖలీల్ అహ్మద్, శార్ధూల్ ఠాకూర్, కేఎల్ రాహుల్

Share